Дене бітімінде Су-Ауа ерекшеліктері бар адамдар 2 страница

Жауап: – Ерекшелік: екі элементтің қосындысынан пайда болған нәзік қуат. Мысалы, ауа мен эфир біздің тәнімізге дене ауасын береді, немесе Ауа-ерекшелігін. Эфирдің элементтері құлақта, танауда, асқазан-ішек жолдарында, ауызда, өңеште, өкпеде, сүйектерде, бас қуысында денеміздің барлық жерінде болып, бұлшық еттердің, сүйектердің, ішектің, жүрек соғысының, қан тамырларының кеңейіп-кішірейуінің, қалдықтардың шығуының т.б. жалпы біздің іс-қимылымызды басқарады. Сондықтан да: «өмір дегеніміз қозғалыс» – деп тектен-текке айтпаймыз. Ауа қозғалысынсыз ішкі мүшелеріміз бен дене қимылымыздың жұмысы тоқтап, осы фәни өміріміздегі тіршілігімізге нүкте қоямыз. Сондықтан бiз әлi толық зерттелiп болмаған эфир туралы бiраз түсiнiк беремiз.

Эфирдi адам өзiнiң сезiмдерiмен бiле алмаса да түрлi нәзiк құралдар арқылы қабылдай алады. Эфир жан иелерiнiң сыртқы және iшкi болмысымен әрекет жасайтын кеңiстiк. Адамның нәзiк болмысы сезiм, ақыл-есiнен бастап тұрпайы болмысы физикалық тәнi осы эфир кеңiстiгiнде әрекет жасайды. Мысалы, ғарыш кеңiстiгiнде ұшып жүрген ғарышкерлермен байланыс эфир арқылы болады. Ғарыштық кеңiстiкте "бос орын" (вакуум) жоқ, толған эфир. Барлық радио, электро-магниттік байланыстар эфир арқылы болады. Кейде радиодан "Әуе толқынында – Қазақ радиосы" тәрізді сөздерді естиміз. Бірақ, "Эфирде – Қазақ радиосы " десе дұрыс болады.

Эфирдiң сезiм тұлғасы (объектiсi) – дыбыс (толқын). Бұл арада "дыбыс" деген сөз дыбыс толқындарын ғана емес, электромагниттiк, ультра-дыбыстық толқындар түрiн бiлдiредi. Барлық жан иелерi эфирдің ішінде және олардың денесінде де эфир бар.

Қазiргi ғылым эфирлiк дененi бiраз зерттеп, нәтижесiн өмірде қолдана бастады. Адамның эфирлiк денесiнiң мүсiнi оның тәнiнiң мүсiнi тәрiздi, тек қана одан мөлшермен 2-10 мм шығып тұрады. Экстрасенсорлық қасиетi бар адамдар оны көре де алады. Эфирлiк дене адамның сыртқы ғарыш әлемімен байланысын қамтамасыз етедi. Адамның сыртқы әлеммен энергия алмасуы (әсiресе күн энергиясымен) осы эфирлiк дене арқылы болады. Ол қарама-қарсы екi полюсi бар электромагниттiк толқындардан құралады. Эфир сырттан энергия түрлерiн тартып, тұрпайы (физикалық) денеге беру және оның керексiз қалдықтарын сыртқа шығару арқылы тазартып отыру жұмысын атқарады.

Сұрақ: – «От ерекшелігі» дегеніміз не?

Жауап: – Су мен Оттың қосындасы тәнімізге денелік от береді, осы қуатты От ерекшелігі деп атаймыз. Денедегі от – жылу мен жарық және қуат көзі. Біздің ғаламшарда жарық, жылу, от көзі күн болса, біздің жүрегімізде – жарық, жылу, от және қуат көзі болып есептеледі. От денемізде зат алмасу ағымын реттеп және қоректік заттарды денеміздің жеті қабатына жеткізіп, қанымызды вирустан, улардан, ауру әкелетін бактериялардан тазалайды. Денеміздің терісінің қызуын бірқалыпта ұстап, өң беріп, көзімізді нұрландырып тұрады. Көздегі нұр денсаулығымыздың айнасы. Дененің қызуы, ас қорту, ойлау, ақылдың жағдайы бәрі – оттың қызметі. Барлық зат алмасу ағымдары және ферменттік жүйе оттың бақылауында болады.

От та біздің тәніміздегі бес элементтердің ерекшеліктеріне таралады, әрбір элементтің ерекшелігі тәніміздің белгілі бір іс-қимылына жауапты.От көзде, теріде, қанда, қанның қызыл түйіршіктерінде, жүректе, майда, тер шығаратын бездерде болады.

Сұрақ: – «Су ерекшелігі» дегеніміз не?

Жауап: – Су мен топырақтың қосындысы тәнімізде дене суын құрайды, осыны Су ерекшелігі дейміз (су, шырыш).

Денедегі су: қан, лимфа және жасаушаларымыздағы барлық сұйықтар. Олар сілекей, асқазан сөлі, дененің шырыш қабаты, плазма мен протоплазма. Су – дене мүшелерінің, жүрек-қан тамырларының, тіндердің іс-әрекеттері үшін өте маңызды. Нәзік деңгейде – нәзік денелердің өмір сүргіштік қабы. Су ерекшелігін «биологиялық су» деп те айтамыз, олар дененің элементтерін, тіндерді бекітіп, биологиялық мықтылығына, тамақты дененің жеті денесіне тасымалдауына және ағзаның қорғаныс қабілетіне жауапты. «Биологиялық су» сондай-ақ, буындарды майлап, теріні ылғалдандырып, жараның жазылуына, қуат пен тұрақтылыққа, есте сақтау қабілетіне, жүрек пен өкпені қуатпен қамтамасыз етуге, қорғанысты (имунитет) арттыруға жауап береді.

Топырақ – біздің денеміздегі бесінші элемент. Жер бетіндегі тіршілік тірісі бар өлісі бар осында, топырақ – осылардың және тәніміздің құрылымының негізі; сүйегіміз, тісіміз, сіңіріміз, бұлшық етіміз, тініміз (жәй етіміз), теріміз, тырнағымыз бәрі де – топырақтан жаралған. Біздің денемізде топырақ пен су элементі басым болғандықтан жер шарында туғанбыз.

Біздің тәніміз 24 элементтен тұрады. Бес тұрпайы: топырақ, су, от, ауа, эфир элементтері біздің тұрпайы денемізді құраса, 19 элемент нәзік денемізді құрайды. Осында біздің іс-әрекетімізді басқаратын бес тұрпайы сезім мүшелеріміз кіреді: ақыл, өре, сезім, адамның жалған «мені», кірленген сана.

Топырақ – Танау, мұрын – Иіс сезу – Шығару мүшелері

Су – Тіл – Дәм сезу – Бала табатын мүше

От – Көз – Көру – Аяқ

Эфир – Құлақ – Есту – Бас

Ауа – Тері – Жанасу – Қол

Жер (топырақ) иіс сезумен байланысқан, осының тұрпайы мүшесі мұрын, осы мүше арқылы топырақтың, жердің, гүлдің, тамақтың исін сеземіз. Мұрын шығару мүшелерімен де байланысқан. Мысалы, ішектің шығаруы дұрыс болмаса, іш қатып дәрет жүрмей қалса, иіс сезуіміз нашарлайды.

Су дәммен байланысқан, сусыз дәм сезе алмаймыз. Біз құрғақ жемісті тілімізге салғанда, ылғалданбағанша дәмін сезбейміз.

От көрумен байланысқан, көз бояудың түрін анықтап, жүруімізді басқарады, сондықтан да соқырлар біреудің көмегінсіз жүре, ал саңыраулар сөйлей алмайды.

Эфир естумен байланысқан, ортада дауысты қабылдап тұрады. Құлақ есту мүшесі ретінде, сөйлеу мүшесі арқылы іс-әрекетті білдіреді.

Ауа жанасу сезімімен байланысқан. Бұл дегеніміз тері, ал қол – іс-әрекет мүшесі.

Сұрақ: – Әсет Ризаұлы, адамның дене бітіміндегі ерекшеліктерін және олардың жанама түрлерін талдап бере аласыз ба?

Жауап: – Қастер Сарқытқанұлы, сіздің қойған сұрағыңыз өте ауқымды және өте күрделі сұрақ болғандықтан кеңінен, әр қайсысына жеке-жеке тоқталайын:

Ауа ерекшелігі

Ауа ерекшелігі – барлық іс-әрекетімізді басқаратын денеміздегі ауа. Микроскоптың көмегімен тіпті бір жасаушаның да қозғалатынын көреміз. Жасауша бір жағынан өмір сүруі үшін өзіне қажетті микроэлементтерді қабылдап тамақтанып жатса, екінші жағынан ыдырау нәтижесінде пайда болған қалдықтарды ағзадан шығарып жатады. Ауа тыныс алуымызды басқарады. Тыныс алу да, тамақтың бір түрі, – біздің ағзамыздың қызметінің негізі. Тамақ біздің тәнімізді қоректендіріп, тінімізді, бұлшық етімізді, сүйегіміздің өсуіне дағдай жасаса, ауа осыларды іс-әрекетке келтіреді, осының арқасында қозғаламыз, яғни – өмір сүреміз. Ауа сондай-ақ сезімдерімізді: қорқыныш, үрей, мазасыздану, күйгелектену, ауырғанды білдіріп басқарады. Тәніміздің кез келген жері ауырса, онда осы арада ауа алмасуы бұзылып, ауа шоғырланып тұрып қалған. Жәй ғана терімізді шымшысақ та ауырады, осы кезде ауаның келуін бөгеп тастадық, сондықтан да сынғанда, жараланғанда ауырады. Ауа денеміздің барлық мүшелерінде бар, ауа ағзамыздың белгілі бір мүшелеріне шоғырланады: ішек жолдарына, сүйекке, жанбастың ойығына, құлаққа, теріге. Ауаның суық, құрғақ, құбылмалы, өткір ерекшеліктерін білу арқылы оның көбею себебін анықтауға болады. Осы ауаның белгілі бір мүшеге шоғырлануы оның тепе-теңдік қалпын бұзады, сондықтан да қайта тепе-теңдік қалпына келтіру үшін, оның қарама-қарсы ерекшеліктерін пайдалану қажет. Мысалы:

Сұрақ: – Ауа ерекшеліктерін тепе-теңдік қалыптан шығаратын қандай себептер?

· дұрыс тамақтанбау