Дене бітімдерінде Ауа-От ерекшеліктері бар адамдар 7 страница

Қарымта қайтару заңы бойынша – осы істеген күнәларымыздың жазасын тартпай қоймаймыз. Бұл күнәлардан бір өмірімізде құтыла алмаймыз, бұның өтемін талай-талай өмірлерді өткізіп барып қана өтейміз.

57. Мы сотворили вас, –

– Так что ж не веруете вы?

58. Ужель не зрите вы, как ваше семя

Извержено (во чрево ваших жен)?

59. Вы или Мы – творцы сего?

60. Назначили Мы смерть для вас

уделом равным,

И в этом – планов нашей воли

Никто расстроить не способен,

61. Коль Мы одну из ваших форм

Решим сменить другою

И снова воссоздать вас в виде,

Кой вам доселе был неведом.

62. Поистине, известно вам о первой

форме сотворенья, –

Так что ж об этом вам

Не поразмыслить?

63. Вы видите посев семян (на пашне), –

64. Так в вас иль в Нас

Лежит причина их произрастанья?

КОРАН перевод смыслов и комментарии Иман Валерии Пороховой.

Рипол классик Москва 2005, Сура 56 Неотвратимое событие, стр. 566

57. Біз сіздерді жараттық

Осыған сіздер сенбейсіздер ме?

58.Шаһуаттарыңыздың (әйелдеріңіздің жатырына)

Құйылғанын қалай көрмейсіздер?

59. Осының жаратушысы – сіз бе әлде Біз бе?

60. Біз сіздерге өлімді біркелкі тағайындадық,

Бұл – біздің мақсатты еркіміз

Ешкімде осыны өзгертуге қабілетсіз,

61. Біз сіздердің бейнелеріңіздің бірін

Басқа бейнеге өзгертуге ниет етсек,

Осы уақытқа шейін өзіңізге белгісіз,

Басқа бейнеде жаңадан жаратамыз.

62. Ақиқатында, сізге алғашқы

жаратылған тұлға белгілі, –

Онда неге осы жайды сізге

Ой елегінен өткізбеске?

63. Сіз тұқымның себілгенін көресіз (егістікте), –

64. Онда барлық өсіп-өрбудің себептері

сізде ме әлде Бізде ме?

(орысшадан аударған Әсет Мұқашбеков)

Сұрақ: – Адам баласының осы өмірге келгеннен кейінгі түпкі мақсаты неде?

Жауап: – Адам баласының түп мақсаты – Құдайға қайту екендігі мұсылман қауымының киелі кітабы Құран Кәрімде бүкпесіз ашық көрсетілген.

Табиғаттың заңы мүлтіксіз. Адамдар ойлайды, сәбилер пәк, таза туады – себебі, әлі күнә жасап үлгерген жоқ деп. Өкінішке орай сәбилер пәк емес, олар – өткен өмірлерінің салдарын өсе келе көретін болады.

Сұрақ: – Адамның жаны табиғаттың үш байлауының біреуіне қалай шырмалады?

Жауап: – Адамның жаны тәнде болғанда пәндік табиғаттың байлауының біреуіне шырмалады, ал жан өзі бөлек болғанда табиғаттың байлауы әсер ете алмайды, себебі ол фәни пәндік әлемде емес, бақилық рухани әлемде болады. Кей кездерде ізгілік аясында жүрген адамға керемет жаман ойлар келеді, ол адамның өзі осы ойдан шошып кетіп: «адамға неше түрлі сұмдық ойлар келе береді екен-ау», – деп таңырқайды. Немесе надандық, не құмарлық байлауына шырмалып жүрген адамға керемет тамаша жақсы ойлар келеді. Бірақ осы ойлар біздің санамызды өзгерте алмайды, себебі бұл жерде рухани ілім жоқ. Адам толықтай рухани ілім алмаса сезімнің жетегінен шыға алмай, әре-сәре күй кешіп өмірін өткізе береді. Материалдық білімнің өзі екі түрлі болады: академиялық және пәндік. Біздің жоғарғы оқу орындарында алған біліміміз академиялық, ал өмірден алған сабағымыз пәндік. Академиялық білім жетілмеген, себебі пәндік үш байлаудың (ізгілік, құмарлық, надандық) ықпалынан шыға алмайды.

Сұрақ: – Біздің денеміз неден құралады?

Жауап: – Біздің денеміз Жаратушының барлық пәндік (материалдық) әлемді жаратқаны сияқты 24 элементтен құралады. Оның бесеуі көзге көрінетін, сыртқы қабығымызды құрайтын тұрпайы элементтер. Бұны тамақтың қабы дейді, себебі осы қабық ішкен тамақ арқылы құралады. Адам өлгеннен кейін осы қабық бастапқы қалпына айналып қайта бес бөлікке ыдырап кетеді. Бұл қабық – топырақтан, судан, оттан, ауадан және эфирден тұрады.

Адам тәнінің өзі үш дененің: көрінетін физикалық, көрінбейтін нәзік және көрінбейтін жоғары денелердің жиынтығы. Топырақ – біздің денеміздің қатты да ауыр бөлігі: бұл біздің қаңқа сүйегіміз, бұлшық етіміз, сіңіріміз, шашымыз, тырнағымыз, тісіміз; Су – біздің денеміздің сұйық бөлігі: бұл қанымыз, шырыш, ет арасындағы сұйықтық, қан түйіршіктері лимфа және микрофлорамыз. От – біздің денеміздің газ түріндегі бөлшектері: ол біздің асқазанымызда, бауырымызда, етімізде болады. Адам денесінде оттың 13 (он үш) түрі бар. Ауа – біздің денеміздегі айланып жүретін қуат бөлігі.

Ауа сүйектің, бастың, мүшелердің бос қуыстарын толтырып, өкпеде, ішек-қарын жүйесінде болады. Эфир – біздің денемізде: мұрын мен құлақ қуыстарын толтырады. Эфир қозғалғанда кәдімгі ауа. Біздің денемізді құрайтын бөлшектер әр адамда әр түрлі мөлшерде болады. Ізгілік аясына байланған адамдарда – жеңіл элементтер басым. Оларда ауа мен эфир көбірек те, топырақ пен су азырақ болады. Құмарлық байлауындағы адамдарда – от, су көбірек те, ауа, эфир, топырақ азырақ болады. Надандық шырмауына байланған адамдардың денесінің бөлігінде топырақ пен су белең алады.

Біз өз денеміздің құрлысшысымыз. Біз өзіміздің ойлау жүйемізбен, қалауымызбен өзіміздің болашақ тәніміздің негізін қалаймыз. Егер де өз денемізді жақсылап жасай алсақ, онда осы денеміздің артықшылығын ойдағыдай пайдалана аламыз. Егер де жасаған денеміз жаман болса – осының зардабын өзіміз шегетін боламыз.

Сұрақ: – Біздің денеміздің табиғаттың үш байлауына шырмалып өзгеруі мүмкін бе?

Жауап: – Біздің денеміздің бөлшектері тіршілік кешкен уақытымызда өзгеріп отыруы мүмкін. Егер адам құмарлық пен надандықтың байлауымен туса, онда ол осы байлаудың жетегінде кетеді деген түсінік емес. Осыны өткен өміріндегі ақыл-ойының қалыптасуының нәтижесі деп түсінуіміз керек. Егер адам қазіргі өмірінде рухани білім ала бастаса, ол рухани дамып денесінің бөлшектерінің сапасы өзгере бастайды. Төменгі ауыр бөлшектердің орнын жеңіл бөлшектер алмастыра бастап – өзінің пәндік байлауын да өзгерте алады. Керісінше: ізгілік байлауындағы адам төмен құлдырап маскүнем не бәңгіші (наркоман) болып кетуі және рухани дамытпайтын істермен, не қылмыстық іс-әрекетпен шұғылданып азып-тозуы мүмкін. Осындай адамның дене бөлшектерінің құрылымы да өзгеріп сала береді. Жеңіл бөлшектердің орнын ауыр бөлшектер алмастырады. Біз қазіргі өмірімізден де: маскүнемнің, бәңгішінің, қанішердің түрлерінің қорқынышты болып кететінін көзіміз көріп, құлағымыз естіп жүр. Адам қартайғанда да түрінің өзгеруінің куәсіміз. Көптеген қариялардың бет әлпеті әлем-жәлем, ұсқынсыз маймылға айналады – бұл оның ниетінің, ақыл-ойы деңгейінің тура көрсеткіші. Ақыл-ой – маңдайды, бет сүйектің пішінін жасайды. Адамның өңіне қарап-ақ оның: ниетін, мінезін және ізгілік жолымен, әлде құмарлық жолымен жүретінін, немесе хас наданның дәл өзі екенін дөп басып айырып, не ойлап тұрғанын да түрінен, бет әлпетінен оқи аламыз. Ол адамның өлгеннен кейін де, о дүниеге қай байлаумен кеткенін анықтауға болады. Адамның санасы қандай білім алғанына қарамастан да әрқашанда айқын болып тұрады. Академиялық білім адамның көзқарасын, ойлау жүйесі мен пәндік әлемге байлануын өзгерте алмайды. Адам өзінің ойлау жүйесі мен ақыл-ойына байланыста келешектегі іс-әрекетін анықтай алады.Немесе Пайғамбарымыз Мұхаммед (с.ғ.с.) айтпақшы: «Әр адам не үшін жаралса, соған ғана ылайықты өмір сүред»і.

Академик Оразалиевтің үшінші толғауы.

Тақырыбы: Гендікқордың маңызы. Тұқым қуалаушылық пен қарымта аурулары деген не? Адам ауруға шалдыққанда ағза мүшелері қандай белгілер береді? Адам баласы басқа жан иелеріне әсер ете ме?

Басы ауырып, балтыры сыздамағанның, Құдаймен ісі жоқ.

Қазақ мақал-мәтелдері

Көз алдыңызға елестетіңіз: Белгілі бір себептермен сіз ұзақ уақыт тамақ ішпесеңіз әлсіздіктен мүлдем қозғала да алмай қаласыз. Тіпті сіз қанша білімді, бай болсаңыз да, сіздің байлығыңыз бен біліміңіз әлдекімнің әкеп берген бір үзім нанына татымай қалады. Бір шайнап жұтқаннан кейін-ақ тәніңізге қуаттың құйылып жатқанын байқайсыз. Бұл керемет емес пе? Осы бір тілім нанның өзі сіздің ішіңіздегі неше түрлі қуатты, іс әрекеттерді қайта іске қосып жіберді. Сенсеңіз де, сенбесеңіз де бір тілім нанның қуаты мен күші, 70 жүк вагоны бар пойыз құрамасын жер шарын бір қабат айналдырып шыға алады. Осы бір үзім нанның құрамындағы элементтердің қуаты сіздің ойыңыз, сезіміңіз, еркіңізден де жоғары тұрғанын бір сәтте болмасын ойланып көрдіңіз бе? Осы бір тілім нанды тек қарның ашқанда ғана жеп күш қуатыңды қалпына келтіресің. Осының нәтижесінде іс әрекетіңді, сөзіңді сөйлеуіңді, ойлауыңды, сезінуіңді ары қарай жалғастыра бересің.

Әрине, қазір де, бұрын да бүкіл әлемде тамақ мәселесі бірінші орында болған, әлі де бола береді. Осыны шешу үшін тіршілік иелерінің бәрі де тырбанып жұмыс істейді, осы үшін талай төңкерістер мен соғыстар да болды, болып та жатыр.

Сұрақ: – Рақым Алмабекұлы, сіздің өсімдіктердің гендік қорын жасау туралы мәселені жан жақты көтеріп, осы мәселемен тікелей президентіміз Нұрсұлтан Әбішұлының қабылдауында академик Медеубеков екеуіңіз 1 сағат 5 минут болып, ауызба-ауыз сөйлесіп, ол кісіге істің маңыздылығын, болашақ ұрпақтың қамы, еліміздің қазынасының қайнар көзі екенін, дәйекті түрде дәлелдеп, осыған Нұрекеңнің қолдау көрсетіп, қаражат бөлгенін, біреу білсе – біреу білмес. Өзіңіздің қазақтың академик Вавиловы екеніңізді тағы бір дәлелдеп бердіңіз. Осы туралы не айтар едіңіз?

Жауап: – Әсет бауырым, одақтың күйреуі ғылымды да күйзеліске түсірді. Республикалар арасындағы жылдар бойы қалыптасқан байланыстың үзілуі ғалымдардың жағдайын қиындатты. Селекционерлерді әлемдік коллекция үлгілерімен қамтамасыз етіп отыратын Бүкілодақтық өсімдіктер шаруашылығы институтымен (ВИР) байланысы жоғалды. Осы жағдайлар түрткі болып өсімдіктердің гендік қорын жасау туралы ұлттық бағдарламаны негіздеп, әлемдік флораның табиғи алуан түрлілігін сақтау, Ұлттық ген қорын құру. Менің мектебім астық тұқымдастардың ауқымды коллекциясын жинақтап, жүйеледі, сонымен қатар түрлі елдер арасында ұрықтық плазма материалымен алыс-беріс жасау мәселесіне ерекше көңіл бөлдім. Жақында президентіміз Нұрсұлтан Әбішұлымен кездесіп, сөйлескенімде ол кісі бар ықыласымен тыңдап, бұндай игі іске көмегін де, қаржысын да аямайтынын айтты. 10...12 миллион доллар қаржы бөлді. Алла қолдаса келесі жылдан бастап Қазақстанда бар 400 мың түрлі өсімдік пен жан-жануарлардың т.б. қалпын сақтайтын қойма құрылысы басталмақшы. Үкімет Ел басымыздан осы жөнінде нұсқау алып қаулы қабылдады. Бұл да болса менің еліме, халқыма деп атқарып жатқан борышымның бір ұшығы, ұсынысымның ескерусіз қалмағанына тәубә деймін. Бұған дейін болған қаншама сорттарымыз жоғалып кетті. Әлгіндей қордың жоқтығынан жоғалды. Әрбір сорт – қайталанбайтын үлгі. Бір жоғалған соң оны қалпына келтіру қиын, тіпті мүмкін емес. Сондықтан да гендікқор аса қажет.